Devalvasiyanın əmlak bazarına təsiri

Saytımızın Dəyərli Ziyarətçiləri,

“AREA” rieltor şirkətinin rəhbəri Əhməd Rzayev daşınmaz əmlak bazarında devalvasiyanın təsiri ilə bağlı qısa ekspert rəyini sizə təqdim edirik.

 


Müsahibə

Hörmətli Əhməd müəllim, hal-hazırda daşınmaz əmlak bazarında vəziyyət necədir?

Daşınmaz əmlak bazarında cari vəziyyət bir çoxları üçün hələ də qaranlıq qalır. Milli valyutanın devalvasiyası baş verdikdən sonra bir çox mənzil satan şəxslər əmlaklarının dəyərini manat ekvivalentində artırmaq barədə düşünməyə başladı. Mənzil almaq niyyətində olan şəxslər isə dilemma qarşısında qalıb: almaq və ya vəziyyətin stabilləşməsini gözləmək. Daşınmaz əmlak bazarı üçün ən əlverişsiz hal qeyri-stabil vəziyyətin müşahidə olunmasıdır. Hal-hazırda müşahidə edirik ki, yaranmış durum  həm alıcıları, həm də satıcıları çaşqınlıq içində saxlayır və bu yaxın bir neçə ay ərzində daşınmaz əmlak bazarında əməliyyatların azalmasına gətirib çıxaracaq. 

 

Sizin fikrinizcə, manatın zəifləməsindən sonra daşınmaz əmlak bazarında qiymət artımı müşahidə olunacaq? 

Bilirsiz, valyutanın zəifləməsi istənilən halda inflyasiya risklərinin yaranmasına gətirib çıxarır, bu isə öz növbəsində demək olar ki, bütün sahələrdə qiymət artımına gətirib çıxara bilər. Daşınmaz əmlak da istisna deyil və mən hesab edirəm ki dəyəri 100.000 manatdan aşağı olan mənzillərin qiymətləri artacaq.

 

Sizin fikrinizcə bazarda alıcılıq qabiliyyəti azalacaq və ya eyni səviyyədə qalacaq?

Gəlin bu məsələyə məntiqlə yanaşaq - manat zəifləyib və bu o deməkdir vətəndaşların topladıqları əmantlər də dəyərini itirəcək. Bu vəziyyətdə ən doğru addım sərmayə yatırmaqdır. Dünyada ən gözəl passiv sərmayə növü isə daşınmaz əmlaka edilən investisiyadır. Mən hesab edirəm ki, məhz bu amil bazarda alıcılıq qabiliyyətinin artıracaq, bununla da daşınmaz əmlak bazarında vəziyyət stabilləşəcək.

 

Tarix: 04.03.2015

 

Ekspert Rəyi rubrikasına qayıtmaq