Mənzil alarkan buraxılan TOP-5 səhv

  Daşınmaz əmlak almağı qərar vermiş şəxs bu məsələyə tam məhsuliyyətlə yanaşmalıdır. Onu da qeyd edək ki, bir çox hallarda mənzil alan şəxslər eyni səhvlərə yol verir.

  

1 - Mənzilin qiymətinə həddən artıq ehtiyatlı yanaşma

   Bu ikibaşlı məsələdir. Alıcını həm çox aşağı, həm də çox yüksək qiymət qorxudur. Qiymət çox aşağı olduqda, bunun bir neçə səbəb ola bilər – maddi vəsaitə təcili ehtiyac var, mənzil sahibi ölkədən və ya şəhərdən köçür, və ya mənzilin ciddi çatışmamazlığı var, hansı ki, yeni sahibi onlar barədə mənzili əldə etdikdən sonra xəbər tutacaq.  Yüksək qiymətlər isə adətən əsassız şəkildə təyin edilir. Məsələn mənzilin qiymətinə bir çox hallarda, bəlkədə heç zaman baxmayacağınız mənzərə və ya binada hansısa məhşur şəxsin yaşaması təsir edir.Bu cür hallarda qiymət danışmaq bacarığı yardımçınız ola bilər.

2 - Çıxarışı olmayan mənzili almaqdan imtina

  Düzgün sənədləşdirmə gələcəkdə yarana biləcək bir çox problemlərin qarşısını ala bilər. Bakıda inşa edilmiş yeni tikililərin yarıdan çoxunda çıxarış təqdim olunmur, və bu bir çox potensial alıcıları həmin tikilidə mənzil almaq fikrindən daşındırır.  Çətinliklərlə üzləşməmək üçün, inşaat işlərini aparan təşkilatın səndələri ilə tanış olmaq, bütün lazımi icazə və arayışların olub-olmamasını yoxlamaq mütləqdir.

3 – Tələsgənlik

  Düz deyirlər – tələsən təndirə düşər. Bəzən elə hallar olur ki, Sizə təcili mənzil almaq lazımdır və ya ətraflı seçim etməyə vaxtınız yoxdur. Gələcəkdə bu xoşagəlməz nəticələrə gətirib çıxara bilər. Mənzil alındıqda bütün məqamlar nəzərə alınmalıdır.

4 – Necə mənzilə ehtiyacınız olması barədə aydın təsəvvürün olmaması

  Belə hallar olur ki, hər hansı bir məhsul almaq fikri ilə dükana daxil oluruq, lakin çıxdıqda tama fərqli bir məhsul əldə etmiş oluruq. Mənzil alındığı zaman da bu cür hallara rast gələ bilərik. Mənzil alındıqdan öncə Sizə neçə otaqdan ibarət olan, hansı vəziyyətdə olan, hansı ərazidə yerləşən, sahəsi nə qədər olan mənzil axtardığınızı dəqiq bilməlisiniz.

5 – Rahat yerləşmə

  Bir çox hallarda alıcılar mənzili alarkan nəqliyyat və yol infrastrukturunu nəzərə almır. Sizin şəxsi avtomobiliniz varsa bu o qədər də böyük problem olmaya bilər, halbuki rahat parkinq yerlərinin olmaması və ya alternativ yolların olmaması nəticəsində saatlarla tıxacda durmaq Sizin həyatınızı heç də daha xoşbəxt etməyəcək. Şəxsi avtomobiliniz yoxdursa, aldığınız mənzilin yaxınlığında metro və avtobus  dayanacağının olması Sizin gələcək həyatınızı xeyli rahatlaşdıra bilər. Mənzil aldığınız ərazinin inkişaf perspektivlərini də dəqiq dəyərləndirmək gərəkdir. Böyük ehtimal ki, Siz yeni mənzilə köçdükdən yarım il sonra yerli icra orqanları tərəfindən söküntü işləri ilə əlaqədar olaraq yenidən ev axtarmaq perspektivindən uzaq olmaq istərsiniz.

  Mənzilin alınması çox əhəmiyyətli və qəliz addımdır. Risklərin dügün dəyərləndirməsi Sizi gələcəkdə yarana biləcək problemlərdən qoruya bilər.

 

Məqalə T.Kərimxanova tərəfindən hazırlanmışdır, xüsusi olaraq www.evelanlari.az layihəsi üçün 
Tarix: 07.02.2015

 

Məqalələr rubrikasına qayıtmaq