Şəhərin mərkəzində mənzil qiymətləri - enib ya qalxıb?

Birinci Avropa Oyunları bitdi, devalvasiya ilə əlaqədar söhbətlər tükəndi, neftin qiyməti hələ də dünya iqtisadiyyatı faktorları təsirinə görə 50 dollardan aşağıdır - sözsüz ki, bunların hamısı daşınmaz əmlak bazarına da öz təsirini göstərir. Ölkəmizin əhalisi düşünürdü ki, əmlak bazarında qiymətlər 2015-ci ilin əvvəlindən enməyə başlayacaq.

Lakin aşağıda qeyd olunan şəhərin mərkəzində yerləşən yeni tikili binalarda podmayak 1 kv.m. qiymətləri nəzərinizdən keçirib təhlil edəndən sonra görəcəksiniz ki, enmə faktoru baş verib ya yox:

1 - Karat MTK - Abşeron Marriott oteli yaxınlığı - 4000 manatdan başlayır

2 - Ağ Saray - Bakı İ/H yaxınlığı - 2300-3000 manatdan başlayır

3 - Caspian Service - Bakı İ/H yaxınlığı - 2000 manatdan başlayır

4 - Port Baku Residence - Ü.Hacıbəyov küçəsi - 3000-3500 manatdan başlayır

Cəmi 4 kompleksdə olan qiymətlər onu əks etdirir ki, şəhərin mərkəzində 1 kv.m. üçün əhalinin istədiyi 700, 800 və hətta 900 manat qiyməti hələki mövcud deyil. Digər tərəfdən baxanda isə əgər şəhərin mərkəzində 1 kv.m. qiyməti 1000 manata qədər olarsa, bu halda mikrorayonlarda qiymətlər hansı səviyyədə olmalıdır?

Əlbətdə ki, hər bir insan aşağı qiymətə dənizə baxan şəxsi mənzil almaq istəyir. Lakin atalar sözündə bir qüvvət var - "Ucuz aşın şorbası olmaz".

 

Məqalə B.Həsənov tərəfindən hazırlanmışdır, xüsusi olaraq www.evelanlari.az layihəsi üçün 
Tarix: 06.08.2015

 

Məqalələr rubrikasına qayıtmaq