"Monparnas" şirkəti ilə müsahibə

Saytımızın Dəyərli Ziyarətçiləri,

“Monparnas” tikinti şirkətinin satış şöbəsinin rəhbəri Bəhmən Babakişiyevlə qısa müsahibəmizi sizə təqdim edirik.

 

 



Müsahibə

Hörmətli Bəhmən müəllim, zəhmət olmasa tikinti şirkətinizin fəaliyyəti barədə bir qədər məlumat verərdiniz.

Monparnas tikinti şirkəti Ağ Şəhər layihəsində çoxbloklu Monparnas yaşayış kompleksinin tikintisini həyata keçirir. Bu Fransız üslubunda tikilən 7 mərtəbəli bina öz eleqantlığı və eyni zamanda sadəliyi ilə seçilir.

 

Bakı şəhərinin sakinləri artıq xəbərdardılar ki, Ağ Şəhər layihəsi çox böyük və möhtəşəm bir layihədir və bu layihədə iştirak edən yerli və xarici tikinti şirkətlərinin sayı çoxdur. Sizin binanı digər binalardan nə fərqləndirəcək?

Fikrimcə sualınıza cavab məhz kompleksimizin adındadır. Hamımız bilirik ki, Monparnas Paris şəhərinin cənubunda yerləşən bir bölgədir. Həmin ərazi keçən əsrin 20-ci illərində orda yaşadığı və fəaliyyət göstərən yazıçıları, rəssamları, heykəltəraşları ilə məşhurlaşmışdır. Binanın yerləşdiyi yer digər tikililərin ümumi səviyyəsindən 30 metr hündürlükdə yerləşir və bu panorama üçün çox önəmli faktor sayıla bilər. Kompleksimiz Süleyman Vəzirov küçəsinin mərkəzindədir və Xətai metrosuna yaxındır - əlavə olaraq planlaşdırılmış fəvvarələr meydanı ərazisinə yaxın yerdə yeni tikiləcək metro da yaxınlıqda yerləşəcək və bu sakinlərin binamızdan Babək və Nobel prospektlərinə tez çatmasına imkan yaradacaq. Bundan başqa kompleks Baku City Mall, Fəvvarələr meydanı, Mərkəzi İş rayonu, Baku White City mehmanxanası və s. kimi yerlərə yaxındır. Məktəbin və gipermarketin binaya yaxınlığı isə ən böyük üstünlüklərdən biridir. Bina sakinləri kimyavi təmizləmə, bərbərxana, kafe və s. obyektlərin xidmətlərindən istifadə edə biləcəklər, uşaqlar isə təhlükəsiz və abadlaşdırılmış uşaq meydançasında öz vaxtlarını keçirəcəklər. Şirkətimizin konsepsiyası həyətyanı parkinq yerlərinin az olmasından ibarətdir. Sakinlərə yeraltı parkinq yerlərin alınması təklif olunur və bu binanın həyətində daha rahat və təhlükəsiz vaxt keçirməyə imkan yaradacaq. Monparnas tikinti şirkəti Fransız şirkəti olan AERECO ilə ventilyasiya sistemləri barədə danışıqlar aparır ki, mənzillərdə müasir texnoloqiyalardan istifadə olunsun və bu əlavə bir fərqləndirici cəhətdir. Mənzil sahiblərinə təklif olunur ki, təmir zamanı xüsusi tozsovuran sistemini quraşdırsınlar ki, səsküylü adi tozsovuran maşınlardan imtina etsinlər. Bu sistem səssiz və çox qənaətli şəkildə işləyir. 200 kv.m.-dən çox olan mənzil sahiblərinə isə bu sistem pulsuz olaraq quraşdırılacaq.

 

Binanın təhvil verilmə tarixini və əlavə olaraq mülkiyyətçilər tərəfindən mənzillərdə təmir işlərinin başlanmasına icazənin verilmə zamanını qeyd edə bilərsinizmi?

Mənzil sahibləri 2017-ci ilin yaz mövsümündə təmir işlərinə başlaya biləcəklər. Binanın təhvil verilməsi 2017-ci ilin dekabr ayına planlaşdırılıb.

 

Başa düşdüyünüz kimi insanların bir hissəsi mənzillərin kreditə alınması ilə maraqlanır. Belə imkanlar varmı? Və varsa zəhmət olmasa şərtləri qeyd edərdiniz.

Mənzillərin satışı faizsiz kredit yolu ilə həyata keçirilir. Müştərinin ödəmə qabiliyyətindən asılı olaraq ilkin ödəniş 30 faizdan başlayır və qalıq məbləğ 24 və ya 30 aya bölünür.

 

Fikrinizcə Ağ Şəhər layihəsinin tikinti prosesinin başa çatması yeni mərkəzin formalaşmasına təsir göstərəcək? Və Ağ Şəhəri 5 ildən sonra necə təsəvvür edirsiniz? İnsanların əksər hissəsi düşünür ki, məhz Ağ Şəhər paytaxtın yeni mərkəzi olacaq və sakinlər bu ərazidə işdən sonrakı vaxtını keçirəcəklər.

Sizinlə tam olaraq razıyam. 5 ildən sonra burada ən dəbli əyləncə mərkəzləri, otellər və restoranlar yerləşəcək. Bununla yanaşı Bakı Ağ Şəhər infrastrukturası əsas ictimai və iqtisadi mexanizmlərin fəaliyyətini təmin edəcək. Fikrimcə yaxın gələcəkdə Bakı Ağ Şəhər paytaxtımızın ən gözəl məkanına çevriləcək.

 

Tarix: 25.12.2014 

Müsahibə rubrikasına qayıtmaq