"Alians" şirkəti ilə müsahibə

Saytımızın Dəyərli Ziyarətçiləri,

“Alians” tikinti şirkətinin satış meneceri Rüfət Məmmədov ilə Panorama Park yaşayış kompleksi ilə bağlı qısa müsahibəmizi sizə təqdim edirik.

(Satış şöbəsi ilə əlaqə:  *2727, (077) 371-13-71, (012) 564-36-84) 

 


Müsahibə

Hörmətli Rüfət müəllim, xahiş edirik şirkətiniz və Panorama Park yaşayış kompleksi barədə qısa məlumat verəsiniz.

Alians şirkəti 2014-cü ildən fəaliyyətə başlayıb. Tikinti lahiyələrinin təşkilini, maliyyə, marketinq və satışını təmin edir. İlk lahiyəmiz 2014-cü il fevral ayında start götürüb. Bu, Xətai rayonu, Gəncə prospekti 29/30 ünvanında yerləşən “Panorama Park” yaşayış kompleksidir. Alians şirkəti layihənin ilkin mərhələsində geniş araşdırma aparıb, əhalinin mənzil əldə etmək arzuladığı məkan, qiymət, satış şərtləri araşdırılıb. Toplanan məlumatlar təhlil olunduqdan sonra layihə hazırlanılıb. Yəni hər bir layihələrimizi gerçəkləşdirməkdən öncə araşdırmalar aparılır, alıcıların istəkləri nəzərə alınır. Layihənin bütün mərhələlərində müştərilərimizin istəkləri maksimum şəkildə nəzərə alınıb. Panorama Park yaşayış kompleksi Xəzər dənizi istiqamətində tikilərək Bakı buxtasına bir başa panorama təmin edir. Gəncə və Nobel prospektlərinin kəsişməsində yerləşməklə, Dənizkənarı parka 15 dəqiqə, hava limanına isə 18 dəqiqəlik bir məsafədə yerləşir. Kompleksimizdə vətəndaşların istəyinə uyğun olaraq 1-5 otaqlı mənzillər, müxtəlif ölçülərdə və istiqamətlərdə yerləşməkdədir.

 

Saytımızın istifadəçiləri hər gün bizim elektron poçtumuza məktublar yollayır və məktubların böyük hissəsi kredit şərtləri ilə təklif olunan mənzillərə aiddir. Zəhmət olmasa Panorama Park kompleksində satış şərtləri barədə məlumat verərdiniz.

Satış qiyməti hər bir məzil üçün fərdi şəkildə, istiqamətinə, yerləşdiyi mərtəbəyə əsasən hesablanılır. Qiymətlər 870 AZN-dən 1250 AZN-ə qədərdir. İlkin ödənişlər 20%, 30%, 50% və müddətlər isə 12 aydan – 60 aya qədərdir. Satış şərtlərini təyin edərkən hər bir sosial kateqoriyaya aid olan vətəndaşlarımızın istəkləri nəzərə alınıb. Qeyd edim ki, mənzil əldə etmək üçün tək şəxsiyyət vəsiqəsi yetərlidir.

 

Hamını maraqlandıran suallardan biri odur ki, devalvasiyadan sonra əmlak bazarında qiymətlər hansı istiqamətdə dəyişib? Bizim saytımızın öz statistikasına əsasən qiymətlərdə təxminən 20% artım müşahidə olunub. Panorama Park kompleksində hər hansı bir dəyişikliklər baş veribmi?

Devalvasiya tikinti sahəsindən də yan ötməyib. Müəyyən təsirləri vardır. Lakin qiymətlərə gözə çarpacaq dərəcədə təsir etməyəcəyini düşünürəm.

 

Bildiyiniz kimi yeni tikilən yaşayış binaların əksəriyyətində standard 2 otaqlı mənzillər 70-80 kv.m.-dən, 3 otaqlı mənzillər isə 120-130 kv.m-dən başlayır. Panorama Park kompleksində layihələndirmə üzrə hansı növ mənzillər mövcuddur?

Qeyd edim ki, planlama sərbəstdir. İstədiyiniz mənzildə otaq sayını dəyişə bilərsiniz. Biz mənzillərin sahələrini də təlabata uyğun formalaşdırmışıq. Məsələn bizdə 2 otaqlı mənzillərin sahəsi 80 m2-108 m2, 3 otaqlı mənzillərin sahəsi isə 89 m2-126 m2 intervalında dəyişilir.

 

Gələcəkdə digər komplekslərin tikintisinə başlamaq niyyətiniz varmı, varsa hansı ərazilərə daha çox maraq göstərirsiniz?

Alians şikətinin Panorama Park yaşayış kompleksindən əlavə 3 yeni layihəsi artıq hazırdır. Tezliklə bu haqda saytımızda əlavə məlumatları əldə edə biləcəksiniz. Yeni layihələrimiz əsasən şəhərdən kənar, sakit həyat tərzlərini seçənlər üçün hazırlanılıb.

 

Tarix: 11.05.2015 

Müsahibə rubrikasına qayıtmaq