"NAR Estate" şirkəti ilə müsahibə

Saytımızın Dəyərli Ziyarətçiləri,

NAR Estate” Türkiyə rieltor şirkətinin təsisçisi Ağarazi Babayev ilə Alanya daşınmaz əmlak bazarı ilə bağlı qısa müsahibəmizi sizə təqdim edirik.

 

 

 


Müsahibə

Hörmətli Ağarazi bəy, qısa olaraq Alanyada əmlak alqısının üstünlükləri barədə məlumat verə bilərsinizmi?

Üstünlüklər çoxdur. Ən əsaslarını sadalayacam.

1) Alanyada həyat tamamilə başqadır. Bu həyat müsbət enerji ilə dolu, stresdən və əsəblərdən uzaqdır. İnsanların günü çox gözəl keçir və ailə üçün vaxt ayırmağa da imkan olur; 
2) Alanya artıq turizm mərkəzinə çevrilib və təkçə postsovet ölkələri üçün yox, həmçinin bütün qərbi Avropa üçün də bu belədir. Danışıq dil balansı imkan yaradır ki, uşaqlarımız həm inkişaf etsin, həm də dilləri öyrənsin;
3) Alanyada son 8 il ərzində əmlakın qiymətləri artır. Ortalama ilə illik artım 12% təşkil edir. Bu çox gözəl imkan yaradır ki, insanlar yatırım etsinlər. Digər tərəfdən baxanda isə bu ərazidə mənzillər çox nadir hallarda tələbatdan kənarda qalır. Alıcılar həm mövsüm, həm uzunmüddətli kirayə məsələsinidə nəzərə alırlar. Beləliklə, investisiya mühiti ilə həyat şəraiti burada tam olaraq bir birinə uyğundur;
4) Sonda demək istərdim ki, burda satılan əmlakın çoxu Aralıq dənizinin kənarında yerləşir. Kim istəməz ki, səhər yeməyini dəniz mənzərəli eyvanda etsin?

 

Bildiyiniz kimi alıcıları maraqlandıran suallardan birincisi alqı-satqı prosedurudur. Zəhmət olmasa bu məsələ ilə bağlı məlumat verərdiniz.

Prosesdur çox sadədir. Müştəri mənzilin alışı barədə qərar verdikdən sonra satıcı tərəfi ilə birlikdə yerli orqana (adı TAPU) mənzilin alqısı ilə bağlı müraciət göndərir. Alıcı və satıcı üçün mənzilin addan ada keçirilməsi ilə bağlı müəyyən görüş günü təyin edilir. Həmin gün iki tərəf TAPU-ya gəlib lazımi sənədləri imzalayırlar. Bundan sonra mənzil yeni sahibinin adına rəsmiləşdirilir. Mənzil almaq üçün sadəcə xarici pasport yetərlidir. Əgər alıcının bütün bu proseduraya vaxtı yoxdursa, rieltorun adına etibarnamə verə bilər ki, bütün əməliyyatı onun yerinə keçirsin. Ən maraqlısı odur ki, xarici alıcıların əksəriyyəti məhz bu yolu seçir. Bütün xərclər rəsmi olur – alıcı mənzilin kadastr qiymətindən cəmi 4% ödəyir. Yəni ki, əgər mənzilin rəsmi qiyməti 30000 avro təşkil edərsə, alıcı TAPU-ya 1200 avro ödəyir. Bir vacib məsələyə də toxunmaq lazımdır. Türkiyə Avropa İttifaqı ölkələrindən fərqli olaraq alıcıdan gəlir mənbəyi ilə bağlı heç bir sənəd tələb etmir. Yəni ki, dövlət qurumları alıcıdan soruşmur ki, mənzil üçün ödəniləcək məbləği hardan əldə edib və Türkiyə qurumları konfidensiallıq saxlayaraq alıcı barədə heç bir məlumatı açıqlamır.

 

İnsanların əksəriyyəti mənzilləri kredit və ya ipoteka yolu ilə almağı seçir. Bizim vətəndaşlar bu imkanlardan istifadə edə bilərmi?

Bəli, bu mümkündür. Türkiyə höküməti bu məsələyə beynəlxalq investisiyaların gəlməsi nöqteyi-nəzərindən baxdığına görə bütün mümkün olan şəraiti yaradıb. Azərbaycan vətəndaşı ipoteka yolu ilə mənzil almaq istəyərsə, Alanyada olan banklardan birinə müraciət etməlidir. Banklar çoxdur və şərtlər fərqlidir. Bizim tərəf müqabilimiz olan Türkiyə bankı cəmi 25% ilkin ödəniş tələb edir. Məbləğ 10 illik müddətə verilir, illik faizi isə 7.8% təşkil edir. Həmçinin ilkin ödənişi 40% səviyyəsində tələb edən bank da var, lakin illik faizi aşağıdır – 6.8%. Uzunmüddətdə baxanda bu sərfəlidir. Ən əsası odur ki, Alanyada ipoteka kreditini əldə etmək daha asandır, nəinki Azərbaycanda.

 

Sizin statistikaya əsasən Azərbaycanlılar il ərzində Alanyada neçə mənzil alır? Trend artır yoxsa əksinə enir?

Bildiyiniz kimi, Avqust ayında bizim şirkətin əməkdaşları Alanyada mənzil almaqla bağlı seminar keçirmək üçün Bakıya gəlmişdirlər. Gəlməyimizin əsas səbəbi – artan tələbatdır. Baxmayaraq ki, dəqiq statistikamız mövcud deyil deyə bilərik ki, Antalya-Alanya ərazisi üzrə Azərbaycanlılar tərəfindən alınan mənzillərin sayı kəskin dərəcədə artıb. Bu trend son bir neçə il ərzində müşahidə olunur. Məsələ ondadır ki, vətəndaşlarımız Türkiyə daşınmaz əmlakına inanır və onu düzgün qiymətləndirir. Hal-hazırda məhz Alanya ən maraqlı ərazi kimi tanınır. Burada olan tikinti işlərinin həcmi yüksəkdir və mənzil qiymətləri hələ ki maksimumlara yaxınlaşmayıb. 

 

Tarix: 17.09.2015 

Alanyada mənzillərin siyahısı