"RNS" şirkəti ilə Dubay əmlakı barədə müsahibə

Saytımızın Dəyərli Ziyarətçiləri,

RNS Real Estate Agency” rieltor şirkətinin rəhbəri Ruslan Nuriyev ilə Dubay daşınmaz əmlak bazarı ilə bağlı qısa müsahibəmizi sizə təqdim edirik.

 

  

Müsahibə

Hörmətli Ruslan bəy, zəhmət olmasa şirkətinizin fəaliyyəti və 20 sentyabr tarixində Hilton otelində keçirilən seminar barədə qısa məlumat verərdiniz. 

Cari ilin aprel ayında Dubay daşınmaz əmlakı haqqında ilk prezentasiyamızı keçirmişdik. Vətəndaşlar tərəfindən olan yüksək maraq bizi təəcübləndirmişdir. Bu dəfə seminar zamanı hər bir maraqlanan şəxs üçün slayd-şou hazırlanmışdır və həmin prezentasiya Dubayın bütün əmlak növlərini əhatə etdi (villalar, koteclər, apartamentlər və s.). Bizim fəaliyyətimiz Dubay tərəf müqabilimiz olan DAMAC Properties şirkəti ilə Azərbaycandan investorların cəlb olunmasına və münasib şərtlərlə əmlakın satışına yönləndirilib.

 

Xarici əmlakın alqısı məsələsində ən maraqlı olan sual əməliyyatın prosedurudur. Mümkündürsə Dubay təklifləriniz barədə olan bu məlumatı oxucularımızla bölüşərdiniz.

İnvestorlar üçün Dubayda əmlak alqı prosedurası çox sadə və əlverişlidir. Alıcı və satıcı arasında razılaşma olarsa, biz hava limanında görüş təyin edib maraqlı əmlak obyektlərinə ekskuriyanı təşkil edirik. Nəticədə tərəflər razılığa gəldikdən sonra müqavilə imzalanır.

 

Sizin fikrinizcə Dubay daşınmaz əmlak bazarı bizim vətəndaşlar üçün nə qədər maraqlıdır? Və hansı əmlak növləri daha çox maraq cəlb edib?

Ən çox tələbatı olan əmlak növü barədə dəqiq məlumatım yoxdur. Lakin deyə bilərəm ki, hətta seminardan sonra bu günlərdə də Dubay əmlakı ilə bağlı zənglər gəlir. Bu onu göstərir ki, insanlar üçün xarici əmlak çox maraqlıdır.

 

Sizin statistikaya əsasən Azərbaycanlılar il ərzində Alanyada neçə mənzil alır? Trend artır yoxsa əksinə enir?

Bu məsələ Dubayda da eyni səviyyədədir. Fərq ondan ibarətdir ki, Dubayda hava demək olar ki ilin 12 ayı isti olur. Bu isə turistlərin və xarici işçilərin çoxlu sayda gəlməsinin əsas səbəbidir. Beləliklə kirayə bazarına olan tələbat həmişə yüksək olur.

 


Həmişəki kimi ipoteka və kredit məsələsinə toxunmalıyıq və ərəb ölkələri barədə danışanda nəzərə almaq lazımdır ki, bu ərazidə icra orqanları bank məhsullarına digər yanaşır. Xahiş edirik vətəndaşlarımız tərəfindən Dubayda satılan mənzillərin ipoteka və ya kredit yolu ilə əldə olunması məsələsi barədə qısa olaraq məlumat verərdiniz.

Çox maraqlı bir məsələdir və özümdə bu barədə demək istərdim, lakin məni qabaqladınız. İpoteka şərtləri çox əlverişlidir. İstənilən növ mənzilləri ipoteka yolu ilə əldə etmək mümkündür, çünki investor mənzilləri tikinti şirkətinin özündən alır. Bu gözəl şərtləri nəzərə alaraq demək istərdim ki, seminar zamanı 3 mənzil məhz ipoteka yolu ilə satılmışdır.

 

Tarix: 30.09.2015 

Müsahibə siyahısına qayıtmaq