"New Life Turkey" şirkəti ilə Türkiyə əmlakı barədə müsahibə

Saytımızın Dəyərli Ziyarətçiləri,

"New Life Turkey" xarici rieltor şirkətinin Satış üzrə Baş Meneceri Tatyana Çernikeviç-Keçeli ilə Türkiyə daşınmaz əmlak bazarı ilə bağlı qısa müsahibəmizi sizə təqdim edirik

 

  

Müsahibə

Hörmətli Tatyana xanım, mümkündürsə rieltor şirkətinizin fəaliyyəti barədə qısa məlumat verərdiniz. 

New Life Turkey dinamik inkişaf edən şirkətdir. Daşınmaz əmlak bazarında uzunillik təcrübəmiz var. Müştəriyə mənzil sataraq biz çalışırıq ki, onun üçün arzuladığı yeni ev yaradaq. Peşəkar agentlik olaraq biz bazamıza daxil olan hər bir əmlak təklifini yoxlayırıq. Ona görə dəsatılan hər bir əmlakımız sənədlərinin qaydasında olmağı baxımından idealdır. Biz müştəriyə əməliyyatın əvvəlindən sonuna kimi dəstək oluruq, bütün lazımi xidmətləri göstəririk və aşağıdakı təklifləri edirik: müştərinin olmadığı halda daşınmaz əmlakın idarə olunması (hesabların ödənilməsi, mənzilin havalandırılması, sakinlərin yığıncaqlarında iştirak və s.), təmir və rekonstruksiya sahəsində peşəkar işlərin görülməsi, transfer, təmizlik işləri.

 (Alanya sahilinin görüntüsü)


Türkiyə daşınmaz əmlak bazarı hal-hazırda hansı vəziyyətdə və inkişaf mərhələsindədir? Bizdə olan məlumata əsasən, Türkiyədə ən maraqlı regionlardan biri Alanya sayılır. Orada qiymətlər yüksək deyil vətikilməkdə olan binaların sayı çoxdur. Lakin siz peşəkar olaraq bu məsələyə aydınlıq gətirsəniz yaxşı olardı. Çünki bu sizin gündəlik işinizdir.

Hal-hazırda Türkiyə daşınmaz əmlak bazarı və xüsusən Alanya regionu kəskin artım nümayiş etdirir. Cari ilin birinci 6 ayı ərzindəinflyasiyanı nəzərə alaraq qiymətlər təxminən 10% artmışdır. 2015-ci ilin yanvar-sentyabr ayları ərzində Türkiyədə əmlakın satış həcmi 25% artım göstərmişdir (keçən il ilə müqayisədə). Əməliyyatların əksəriyyəti İstanbul və Antalya bölgəsinə aiddir (həmçinin Alanya). Alanyada sənayə və istehsalat təşkilatları yoxdur və bununla əlaqədar bu ərazi ekoloji baxımdan çox yaxşı ərazi sayılır. Əlbəttə ki, bu faktor investorları cəlb edir. Aralıq dənizinin subtropik iqlimini nəzərə alsaq, yay vaxtı havanın temperaturu kölgədə +36C çatır, qışda isə nadir hallarda +12C aşağı düşür. Beləliklə, ilin təxminən 300 günü insanlar günəş altında istirahət edə bilir.

 

Bildiyiniz kimi, Azərbaycan vətəndaşları Türkiyə əmlakına böyük maraq göstərirlər. Bizim vətəndaşlar Türkiyədə əmlakı necə əldə edə bilərlər? Zəhmət olmasa qaydaları izah edərdiniz.

Prosedur çox sadədir. Türkiyə qanunvericiliyinə 2012-ci ildə əlavə olunmuş dəyişikliklərdən sonra Azərbaycan vətəndaşları ölkədə əmlak və torpaq sahələrini alanlıqla əldə edə bilərlər. Prosedur maksimum dərəcədə asanlaşdı. Əmlak variantı tapıldıqdan sonra tərəflər arasında alqı-satqı müqaviləsi imzalanır, sonra şirkətimizin nümayəndəsi alıcı ilə birlikdə vergi inspeksiyasında individual vergi nömrəsini əldə edir. Bu prosedur 10-15 dəqiqə çəkir.Əlavə olaraq şəxsiyyət vəsiqəsinin surəti, Azərbaycanda yaşadığı ünvan və 2 ədəd şəkil lazım olacaq. Bunlar Kadastr idarəsinə təqdim olunan sənədlərdir. Digər işləri biz öz üzərimizə götürürük. Bir neçə gün keçəndən sonra müştərini Tapu sənədinin (bu sənəd müştərinin həmin əmlaka olan hüquqlarını təsdiq edir) alınma günü və vaxtı barədə xəbərdar edirik. Təyin olunmuş vaxtda şirkət nümayəndəmiz müştəri ilə birlikdə Kadastr idarəsinə gəlir və təqdim olunmuştərcüməçi vasitəsi ilə imzalanacaq sənədlər tərcümə olunur. Sonra isə idarənin əməkdaşı əmlakı satıcının adından alıcının adına keçirir. Bütün prosedur budur.

 (İstanbulda (Beylekdüzü) tikilən yaşayış kompleksi - elana keçid)

Belə bir sual - Azərbaycanlı müştəriləriniz olub? Olubsa bizim vətəndaşlar daha çox hansı tip əmlaka maraq göstərir?

Bəli - Azərbaycandan müştərilərimiz olub. Çox yaxşı insanlardır. Azərbaycanlılar fərqli əmlak növlərinə maraq göstərir - həm münasib qiymətə olan mənzillər ilə maraqlananlar, həm də lüks sayılan əmlak ilə maraqlananlar var.Burada hər şey əmlakın alınmasının məqsədi və alış üçün ayrılan büdcədən asılıdır.Bəzi müştərilər əmlakı istirahət üçün əldə edir, bəziləri yaşamaq (əsasən İstanbul, İzmir, Ankara, Bursa şəhərləri), bəzi insanlar isə yalnız investisiya məqsədi ilə. İnvestisiyalar üçün tikilən binalarda mənzillər çox gözəl variantlar var. Çünki bina təhvil veriləndən sonra gəlir təxminən 20-30% təşkil edə bilər. İnvestisiya məqsədi ilə həmçinin biznes mərkəzləri, ofislər, mağazalar, otellər əldə olunur.

 


(Lüks tipli Villa - Alanya Karqıcaq - elana keçid)


Hal-hazırda bütün neft ölkələrində müəyyən çətinliklər var və əlbəttə ki bunların hamısı insanların xərclərinin azalmasında öz əksini tapır. Bununla əlaqədar insanlar çalışır ki, əmlakı kredit və ya ipoteka yolu ilə əldə etsinlər. Xarici investorlar üçün ipoteka və kredit şərtləri mövcuddur?

Əlbəttə! Türkiyə bankları adətən əmlakın qiymətləndirmə dəyərinin təxminən 65% kimi maliyyələşdirirlər. İpotekanın müddəti 10 ildir. Kredit Tapu-da adı göstərilən şəxsə verilir. Lakin, əgər alıcı krediti daha tez bir zamanda ödəyə bilərsə, o zaman tikilən binalarda mənzillərə variant kimi baxmaq olar, çünki tikinti şirkətləri 2 ildən 3 ilədək faizsiz kredit verirlər.

 


(Dubayda CityScape sərgisi - 2015-ci il sentyabr)


Cari ilin dekabr ayında Bakıda Beynəlxalq Daşınmaz Əmlak Bazarı ilə əlaqədar - RecExpo sərgisi keçiriləcək. Şirkətiniz bu maraqlı tədbirdə iştirak edəcək? Və edəcəksə şəhərimizə hansı təkliflərlə gələcəksiniz?

Bəli, dekabr ayının 17-18-də şirkətimiz sərgidə iştirak edəcək. Türkiyədə əmlak almaqla maraqlanan şəxslərin hamısını stendimizə dəvət edirik. Biz yaşayış, kommersiya tipli və investisiyalar üçün olan Aralıq dənizinin sahili, İstanbul, İzmir, Bursa, Yalov əmlaklarını təklif edəcəyik. Daha ətraflı məlumat əldə etmək üçün Sizi sərgiyə və stendimizə dəvət edirik.

 

Tarix: 23.10.2015 

Müsahibə siyahısına qayıtmaq