"Seaside Alanya Real Estate" şirkəti ilə Alanya əmlakı barədə müsahibə

Saytımızın Dəyərli Ziyarətçiləri,

"Seaside Alanya Real Estate" xarici rieltor şirkətinin Rəhbəri Abdullah Tuncer ilə Türkiyə daşınmaz əmlak bazarı haqqında qısa müsahibəmizi sizə təqdim edirik.

Əlaqə:
WhatsApp: +90 532 684 03 42
Bu email ünvanı spambotlardan qorunur. Onu görmək üçün JavaScripti qoşmaq lazımdır. 

  

Müsahibə

Hörmətli Abdullah Tuncer, mümkündürsə şirkətinizin fəaliyyəti barədə məlumat verərdiniz. 

Əvvəla bizə səhifəniz vasitəsilə özümüzü tanıtmaq imkanı verdiyniz üçün sizə təşəkkürümüzü bildiririk.

Özümüzü tanıtmağa gəldikdə isə, mən 2006-cı ildə universitetdən Turizmçi olaraq məzun olduqdan sonra hal-hazırda yaşadığım Alanyanın və hətta bölgənin ən böyük inşaat firması olan Oğuzhan İnşaatta satış nümayəndəsi olaraq əmlak sahəsində ilk addımı atmış oldum və 2011-ci ilə qədər eyni firmada iş fəaliyyətim davam etdi, 2011-ci ildə isə Seaside Alanya əmlak firmasını yaratdıq. O gündən bu günə fəaliyyətimizi inkişaf etdirərək davam etdiririk və şəxsi fəaliyyətimizin nəticəsində 2014-cü ildə European Property Awards təşkilatı tərəfindən Rolls Royce və Yamaha sponsorluğu ilə 2014-2015 il üçün “ Highly Commended”, yəni “ Yüksək Dərəcədə Tövsiyyə Edilən “ əmlak firması olaraq mükafatlandırıldıq. Bugün İsveçin Göteborg şəhərində, İranın Tehran və Urmiya şəhərlərində, Qırğızıstanın Bişkek şəhərində və İnşallah yaxın zamanda Azərbaycanda da bir ofis yaradaraq potensial bazarlarda investorlara xidmətimizi davam etdirəcəyik.

3 il bundan əvvəl Azərbaycan da daxil olmaqla digər Türk Dövlətləri vətəndaşları Türkiyədə əmlak sahibi ola bilmirdi. Bu qanunun dəyişikliyi ilə birlikdə artıq Azərbaycan vətəndaşları da Türkiyədə rəsmi əmlak sahibi ola bilir və  Azərbaycan bizim üçün yeni sayılabiləcək bazardır. Önümüzdəki illərdə Azərbaycan vətəndaşları Türkiyədə əmlakla bağlı daha çox reklam görəcəklər.

Seaside Alanya Əmlak olaraq xarici bir ölkədən Türkiyəyə gəlib əmlak sahibi olmaq istəyən bir xaricinin bütün ehtiyaclarından xəbərdarıq və bu sahədə 10 ildən çox təcrübəmiz sayəsində:

1)      Əmlak alqı-satqısının sənədləşdirilməsi

2)      Yaşamaq və işləmək icazəsi

3)      Şirkət yaratmaq ilə bağlı məsələlər

4)      Alınan mülk ilə bağlı Alqı-satqı müddətində müştərinin köməkçi ilə təmin edilməsi

5)      Ailə üzvlərinin təhsili ilə bağlı məsələlər

6)      Səyahətlərin təşkili, uçuş bileti, hava limanı transferləri

7)      Alınan mülklə bağlı təmizlik, təmir, dizayn və daha çox xidmətlər firma tərəfindən müştərilərə pulsuz olaraq verilir.

Azərbaycan və Türkiyə eyni millətin dövlətləri olduğu üçün bir Azərbaycanlı özünü Türkiyədə xarici kimi hiss etməyəcək. Türkiyə dünyadakı bütün turizm öklələri ilə rəqabət edə biləcək qədər tarixi, turistik və mədəni dəyərlərə sahibdir.

Türk dünyasının ən qabaqcıl ölkələrindən Türkiyə və Azərbaycan əmlak alqı-satqısı ayrılmaz iki milləti daha da yaxın hala gətirən bir körpü olacaq və biz bu körpünün qurulmasında əlimizdən gələni əsirgəməyəcəyik. 

 (Crystal Park yaşayış kompleksi, Türkiyə, Alanya - elana keçmək)


Bildiyiniz kimi, 2015-ci ilin dekabr ayında Bakı şəhərində beynəlxalq sərgi keçiriləcək - International Real Estate. Şirkətiniz bu sərgidə iştirak edəcək və Sizə uğurlu satışlar arzulayırıq. Lakin, soruşmaq istərdik ki, şəhərimizə hansı təkliflərlə səfərə düşəcəksiniz və hansı növ əmlakı Azərbaycanlı investorlara nümayiş etmək niyyətindəsiniz?

Təşəkkürlər. Təbii ki, sektorun hər sahəsində fəaliyyət göstərdiyimiz üçün xarici bir ölkədə əmlak sektorunda edilə biləcək hər cür investisiya seçimlərinə malikik. Yəni biraz da açıqlasaq, yayda 15 gün tətil etmək üçün uyğun bir mənzildən, turistik investisiya etmək istəyənlər üçün nəhəng turistik təsis alternativlərinə qədər seçimlərimiz mövcuddur.

Biz bu sərgiyə xüsusi olaraq Azərbaycanlı müştərilərimiz üçün “ 24 ay və 0 faiz ” kompaniyası hazırladıq. Belə ki, müştərilərimiz alınacaq əmlak üçün 30 faiz ilkin ödəniş edəcək və qalan məbləği isə 24 ay müddətində özü müəyyən edəcəyi ödəmə planına əsasən faizsiz olaraq ödəyəcək.

Portfelimizdə hal-hazırda olan mənzil qiymətləri 40 000 Dollardan başlayır və hər büdcəyə görə alternativlərimiz mövcuddur. Bu alternativlərlərlə bağlı daha geniş məlumat almaq  üçün hər bir kəsi öz Stendimizə dəvət edirik.

 

Bizim vebsayt çoxlu sayda xarici rieltor şirkətləri ilə əməkdaşlıq edir və Türkiyə daşınmaz əmlak bazarı saytımızda mövcuddur. Auditoriyanın böyük hissəsi Antaliya ərazisi ilə maraqlanır. Bəs Türkiyənin böyük şəhərlərindən əmlak təklif edirsinizmi? Məsələn, İstanbuldan.

Əlbəttə, Azərbaycan və digər Türk dövlətlərində Türkiyə deyəndə ağıla ilk gələn şəhər İstanbuldur. Çünki, haqlı olaraq İstanbul tarixi, mədəni və sosial baxımdan dünyanın ən gözəl şəhərlərindən biridir. Əlbəttə, yaşamaq üçün əlverişli bir yerdir və bizim portfelimizdə İstanbulda ev sahibi olmaq istəyənlər üçün alternativlər mövcuddur.

Antalya da böyük bir şəhərdir və Türkiyənin cənubunda yerləşir. 2 milyona yaxın əhalisi var və iqtisadiyyatının ən vacib gəlir qaynağı Turimzdir. Yay-qış isti iqlimi olduğu üçün ev satışlarında xaricilərin ən çox seçdiyi şəhərdir.

Bizim mərkəzimiz Antalya bölgəsinin Alanya şəhərində yerləşdiyi üçün təbii ki biz hər kəsə Alanyadan mənzil sahibi olmağı məsləhət görürük.

 (Crystal Park yaşayış kompleksi, Türkiyə, Alanya - elana keçmək)

Təxminən son 10 il ərzində MDB ölkələri vətəndaşları İspaniya daşınmaz əmlak bazarında aktiv alıcılar kimi çıxış edirdilər və edirlər. Bu ölkədə İsveçrə və Böyük Britaniya ilə müqayisədə qiymətlər elə də yüksək deyil. Lakin, gəlin ölkələri müqayisə edək - fikrinizcə vətəndaşlarımız niyə İspaniyada yox, Türkiyədə əmlak almalıdırlar?

Bu sual üçün çox təşəkkür edirik. Müstəqil Dövlətlər Birliyi vətəndaşları sadəcə İspaniya və Portuqaliyada deyil, Türkiyə Seaside Alanya Emlak olaraq bizim bir ofisimiz də İsveçin Göteborg şəhərində yerləşir və İsveç, Norveç, Ukrayna  kimi ölkələrdə bu kimi sərgilərdə iştirak edirik. 2006-cı ildən bəri həm öz şirkətim, həm də işlədiyim firmaların vəsiləsiylə olduğum sərgilərdə həmişə İspaniya, Portuqaliya, Bolqarıstan firmaları ilə rəqabətdəyik və bazarı izləyirik. İspaniyadakı evini satıb Türkiyədə ev alan o qədər çox Avropalı müştərimiz var ki, Türk millətinin qonaqpərvərliyi, cana yaxınlığı və daha bir çox üstünlükləri səbəbi ilə Türkiyəyə gələn İspaniyaya bir daha qayıtmaq istəmir. Çox maraqlı bir məlumat verim : İspaniyada kriminal, oğurluq, qəsb, təcavüz kimi cinayətlər Türkiyədə olduğundan 200 % daha yüksəkdir.

Belə bir hal da var ki, Türkiyə, Azərbaycan, Qazaxıstan, Qırğızıstan, Özbəkistan, Türkmənistan və Cənubi Azərbaycan kimi adını çəkə biləcəyimiz ölkələr siyasi sərhədlərlə ayrılmışdır. Amma bu ölkələrdə yaşayan insanlar bir millətdir. Yəni Antalyanı necə öz torpağımız sayırıqsa, Bakını, Təbrizi, Bişkəki də eyni duyğularla sevirik. Biz nə qədər Antalyalıyıqsa, siz də o qədər Antalyalısız. Siz nə qədər Bakılısızsa, mən də o qədər Bakılıyam. Əlbəttə ki, yoldaşımın Gəncəli olması məni daha çox Bakılı edir. 

 


(Crystal Park yaşayış kompleksi, Türkiyə, Alanya - elana keçmək)

 

Statistika ilə əlaqədar sual vermək istərdik. Hansı ölkələrdən daha çox alıcılar müraciət edir? Bildiyiniz kimi, Azərbaycan və Türkiyə dövlətləri bir biri ilə çox yaxşı münasibətdədir və millətlərimiz bir birinə qarşı çox yaxındır. Amma statistika statistika olaraq qalır və bilmək istərdik ki, Sizin daşınmaz əmlak bazarınızda hansı ölkədən olan investorlar çoxluq təşkil edir?

Bu sualı rəqəmlərlə deyil, sözlərlə izah etmək daha başadüşülən olacaqdır. Türkiyədə ev alan xaricilərin çoxu Avropalıdır. Daha çox Almaniya və Skandinaviya ölkələrindən gələnlər Daşınmaz Əmlak alırlar.

3 il əvvəl qanunun dəyişib Azərbaycan və digər 181 ölkə vətəndaşlarının Türkiyədən ev ala bilməsi ilə 2-ci sıraya MDB ölkələri keçdi. Məsələn, bundan 3 il əvvəl fiziki şəxs olaraq (şirkətlər xaric) mülk sahibi olan Azərbaycan vətəndaşlarının sayı sadəcə 24 olarkən, bu gün bu say minləri keçmişdir. Son olaraq isə İranın ciddi bir Bazar olduğunu deyə bilərik.

 


(Crystal Park yaşayış kompleksi, Türkiyə, Alanya - elana keçmək)

 

Maraqlı müsahibəyə görə minnətdarıq və sonda əlavə olaraq bir sual vermək istərdik - cari ilin dekabr ayında baş tutacaq Bakı işgüzar səfərinizdən gözləntiləriniz nədir?

17 Dekabrda Türkiyədə Daşınmaz Əmlak əldə etmək haqqında məlumat almaq istəyən hər kəsi Stendimizə dəvət edirik. Biz bu sərgidə həm ev almaq istəyən potensial müştərilər ilə, həm də birlikdə işləyə biləcəyimiz şirkətlər ilə tanış olmağı planlaşdırırıq. Bu sərginin Azərbaycan və Türkiyə arasındakı qardaşlıq münasibətlərini daha da artıracaq nəticələr verməsini arzulayıram.

Bizə belə bir imkan yaratdığınız üçün sizə yenidən təşəkkür edirəm.

 

Tarix: 20.11.2015 

Müsahibə siyahısına qayıtmaq