DAMAC Dubay əmlakını təklif edir

Saytımızın Dəyərli Ziyarətçiləri,

RNS Real Estate Agency” yerli rieltor şirkətinin Rəhbəri Ruslan Nuriyev ilə Dubay daşınmaz əmlak bazarı haqqında qısa müsahibəmizi sizə təqdim edirik.

 

  

Müsahibə

Hörmətli Ruslan bəy, zəhmət olmasa RNS şirkəti ilə DAMAC Dubay şirkətinin partnyorluğu barədə məlumat verərdiniz.

2015-ci ilin yaz fəslində DAMAC şirkəti bizimlə əlaqə saxlamışdır. Danışıqlardan sonra qərara gəldik ki, DAMAC şirkətinin təklif etdiyi daşınmaz əmlak barədə təqdimat keçirək. 11 aprel tarixində Fairmont otelində birinci təqdimat baş tutdu və şirkətlərimiz arasında ikitərəfli müqavilə bağlandı. Bugünkü günə qədər də əməkdaşlığımıza davam edirik.

 

Azərbaycan vətəndaşlarına hansı növ daşınmaz əmlakı təklif edirsiniz və şərtləriniz necədir?

Xarici vətəndaşlar Dubayın müəyyən rayonlarında əmlak əldə edə bilərlər. Sonra həmin əmlakı satmaq, kirayə vermək, bağışlamaq və s. olar. Müəyyən rayonlardan xaric yerləşən əmlakı ilsə uzunmüddətli kirayə əsasında (99 illik) əldə etmək mümkündür. DAMAC şirkəti əmlakın yalnız tam mülkiyyət hüququ ilə satışını həyata keçirir. 

 

Vacib sual - Dubayda daşınmaz əmlakın əldə olunması prosesi necə baş verir? Vətəndaşlarımız əmlak aldıqda hansı sənədləri əldə edirlər və s.

Təhlükəsizliyin zəmanəti - şərti depozit hesablarından istifadədir (escrow account). Həmin hesablar hökümət tərəfindən müəyyən edilmiş müvafiq Dubay bankları vasitəsi ilə idarə olunur və əmlaka olan yatırımların təhlükəsizliyi üçün yaranmışdır. Şərti depozit hesablardan ödəmələr tikinti şirkətlərinə yalnız müəyyən tikinti işlərinin təhvil verilməsindən sonra həyata keçirilir. Alıcının adına əmlakın qeydiyyatı aparılanda ümumi əmlakın dəyərindən 4% vergi tutulur. Torpaq departamenti həmçinin birdəfəlik vergi tutur - bu vergi birbaşa tikinti şirkəti tərəfindən ödənilir (20% + 4%) və artıq ilkin ödənişə daxil olur. Əmlakın təkrar satışı ilə əlaqədar vaxt limitləri yoxdur və hətta sona qədər tikilməmiş obyekti satmaq mümkündür. Əmlakın idarə olunması ilə əlaqədar xərclər (əsasən kommunal xərcləri əks etdirir) ortalama ilə 1 kv.m. üçün illik 60 dollar təşkil edir.

 

Kredit və ya ipoteka şərtləri ilə mənzil almaq mümkündür?

Dubayda əmlak obyektləri təxminən 2 il ərzində tikilir. Tikintinin ilkin mərhələsində artıq əmlaka yatırım etmək mümkündür, lakin ödəniş bir neçə mərhələdən ibarət olur. Əvvəla alıcı obyektin ümumi dəyərinin 1%-ni ödəyir və bundan sonra həmin obyekt alıcının adına rezervasiya olunur. Sonra isə 24%-i ödənilir və alqı-satqı müqaviləsi tərtib olunur. Növbəti ödənişlər dörd aydan bir həyata keçirilir (tikintinin gedişatı ilə əlaqədardır). Kredit şərtləri hazır əmlak üçün mövcuddur, lakin müştəri 6 aydan az olmayaraq ölkənin rezidenti olmalıdır və bank kredit şərtlərini fərdi şəkildə müəyyən edir. Hal-hazırda DAMAC çox gözəl ödəniş planlarını təklif edir.

 


Fikrinizcə, Dubay daşınmaz əmlak bazarı özünü gələcək 5-10 il ərzində necə göstərəcək və qiymətlərin stabil artımını gözləmək olarmı?

Ən bahalı əmlak süni adalarda (Palm Cumeyra və Palm Cebel Ali) və dəniz kənarında yerləşir. Burada Dubay Marina və Cumeyra Biç Rezidens layihələri yerləşir. Bundan başqa bahalı ərazilər siyahısına Dubay Maliyyə Mərkəzi, Dubaylend və dünyanın ən hündür binası olan Burc Dubay daxildir ( 1 kvadrat metrin qiyməti təxminən 5-8 min dollar təşkil edir). Digər ərazilərdə isə yaşayış sahələri üçün qiymətlər 2.5-3 min dollar arasında dəyişir. Ofislər üçün həmin ərazilərdə qiymətlər 3-4 min dollar təşkil edir.

 

Tarix: 21.12.2015 

Müsahibə siyahısına qayıtmaq